Lani Ninone Paga Liru Mbaniyak Yonggo Pogo

Wa, website yi ebe Lani ninone paga abu lek aret me, pertama aret eko.
Ninalik ariyak ti, ninebe, ninanggwen, ninagayongga, tewe-pagi, kambak-inenuk, ninone, ninandogon, ninendawe ti abuwa nen aret me, Papua Merdeka yi ekwe logonet, nit ninone paga ambe inom lengganiyak abu perlu aret mba’nuk mbanggorak me, pekawok.

Nde Lani Ninone ebe perak, egu kata-kata nit ninone paga lek kenok, ata nit ninone paga yirak pipak meya kenok ti, Melayu paga manekorak. Togop me, yi ebe Lani Wone Modern pertama aret ekwe ogorik.
Togop me, kit nen ninengge tamban ekwe, tenaga kero ninengge ekwe, kinenggi nggino ambe inom yokirogo. Nit ninalik ariyak yirugurak me, ap molo erekem nen ambe ninengge eruwak mbakak logogun kenok, ninalik arugun lek aret kinenu logono.
Wa

Selengkapnya di : http://westpapua.net/blog/2008/09/lani-ninone-paga-liru-mbaniyak-yonggo-pogo.html/